Time ဆိုတဲ့စကားလုံးရဲ့ ဆက်စပ်မှုကလေးကို ဒီနေ့လေ့လာမိတယ်သူငယ်ချင်းတို့ ဒါပေမဲ့ Time ဆိုတာ အချိန်ကာလကိုဖော်ပြပေးတယ်ဆိုတာ အင်္ဂလိပ်စာလေ့လာသူတို့ သိကြပြီးသားပါ။ ဒါပေမဲ့ Time ဆိုတာ စံတော်ချိန် လို့လည်းခေါ်တယ်နော်။ ဥပမာ- GMT(Greenwich Mean Time) ကမ္ဘာ့စံတော်ချိန်၊ Local Time ဆိုတာ ဒေသစံတော်ချိန်ဆိုတာလည်း လူတိုင်းသိလောက်ပါတယ်။
သို့သော်လည်း-Time ရဲ့ရှေ့မှာ a ပေါင်းလိုက်ပြီး a time ဆိုရင်တော့ ခဏတာ လို့ခေါ်တယ်၊
We waited for a time and then went home.
ကျွန်တော်တို့ ခဏစောင့်ဆိုင်းခဲ့ပြီးနောက် အိမ်ပြန်သွားခဲ့ကြတယ်။
Time မှာ S ထည့်ပြီး ancient times/ prehistoric times/ recent times စသည်ဖြင့် ခေတ်-လက်ထက် ကိုဖော်ပြတယ်ဆိုတာလဲမှတ်လိုက်ပါဦး။
တကယ်လို့ တစ်စုံတစ်ယောက်က Time’s up လို့ ပြောလိုက်ရင်တော့ အချိန်ပြည့်ပြီး၊အချိန်စေ့ပြီလို့ ပြောလိုက်တာပဲနော်။
ကျွန်တော်နာရီအချိန်မှန်တယ်လို့ ပြောချင်ရင်တော့ My new watch keeps excellent time. လို့ပြောလိုက်ပါ။
နေ့ရွှေ့ ညရွှေ့မလုပ်နဲ့လို့ ပြောချင်ရင်တော့ There is no time like the present. လို့ပြောလိုက်ပါ။
မိုးရွာတုန်း ရေခံပါ၊ အချိန်ရှိခိုက် လုံးလစိုက်ပါ လို့ပြောချင်ရင်တော့ Time and tide wait for no man. လို့ပြောလိုက်နော်။
ကဲ-အချိန်သင့်ပြီလို့ ပြောချင်ရင်တော့ The time is ripe.လို့ပြောလိုက်နော်။
မြန်မာမှုနယ်ပယ်သုံးတဲ့ အချိန်ရင်တော့ နပိန်ကန်ပါလိမ့်မယ်လို့ ပြောချင်ရင်တော့- The time will tell. လို့သုံးလိုက်နော်။
သုံးပါများလို့ ရိုးအိနေပြီလို့ ပြောချင်ရင်တော့ Time worn လို့ သုံးလိုက်ပေါ့။
Don’t use time worn expressions in your essay.
Time duration ကိုပြတဲ့ စကားလုံးတွေကို မှတ်လိုက်ရတယ်နော်။ အဲဒါတွေကတော့
All the time တစ်ချိန်လုံး လို့ ခေါ်တယ်နော်။ You can’t be busy all the time. လို့ပြောလိုက်။
All the time ရဲ့နောက်မှာ S ပေါင်းလိုက်ပြီး all the times လို့ပြောရင်တော့ အမြဲတမ်း အချိန်မရွေး၊ လို့သာမှတ်ထားနော်။ Our staff are not available at all the times. လို့ပြောပေါ့။
From time to time ဆိုတာ မကြာမကြာလို့ ခေါ်တယ်။
ကဲ-သူငယ်ချင်းတို့ရေ ဒီနေ့တော့ ဒီလောက်ပဲ မှတ်ထားခဲ့ရတယ်နော်။
0 comments:
Post a Comment